The Evil Lawyer

"ဥပဒေရဲ့နောက်ကွယ်" ***************** "တရားမျှတမှုဆိုတာ ဥပဒေစာအုပ်ထဲမှာပဲရှိတာ... လက်တွေ့မှာတော့ နိုင်တဲ့သူကမှ အမှန်တရားပဲ" Legal Thriller နဲ့ Crime Drama အမိုက်စားတွေမှ ကြည့်ချင်ပါတယ်ဆိုတဲ့ ဘော်ဒါတွေအတွက် ဒီကနေ့မှ အသစ်ထွက်ရှိလာတဲ့ နက်ဖုလစ်အော်ရဂျင်နယ် ထိုင်းစီးရီးသစ်လေးကို ရှယ်တင်ဆက်ပေးလိုက်ပါပြီ။ ဇာတ်လမ်းလေးကတော့ "မက်" ဆိုတဲ့ တရားမျှတမှုကို အပြည့်အဝယုံကြည်တဲ့ စံပြရှေ့နေလူငယ်လေးကနေ အစပြုထားပါတယ်။ ဒါပေမဲ့ မျက်စိတစ်မှိတ်အတွင်းမှာပဲ သူ့ဘဝကြီး ငရဲခန်းလို ပြောင်းပြန်လှန်သွားခဲ့တယ်။ အကြောင်းကတော့ ဩဇာအာဏာကြီးမားတဲ့ ရဲမှူးကြီး "အာနန်" ရဲ့ သားဖြစ်သူကိုသတ်ဖြတ်မှုနဲ့ မက် တစ်ယောက် တစ်ဖက်သတ် လုပ်ကြံခံလိုက်ရလို့ပါပဲ။ သူများတွေကို အမှုလိုက်ပြီး ကာကွယ်ပေးခဲ့တဲ့ ရှေ့နေဘဝကနေ ကိုယ့်အသက်ရှင်သန်ဖို့အတွက် ကိုယ်တိုင်ပြန်လုနေရတဲ့အခါ... တရားဥပဒေဆိုတဲ့ စနစ်ကြီးကို မက် တစ်ယောက် ယုံကြည်မှုလုံးဝပျောက်ဆုံးသွားပါတော့တယ်။ ဒီလို ထွက်ပေါက်ပိတ်နေတဲ့အချိန်မှာ မက် ဟာ နောက်ဆုံးလက်နက်အနေနဲ့ ရှေ့နေ "ဂျစ်ထရီ" ဆီကို အကူအညီတောင်းဖို့ရောက်သွားပါတော့တယ်။ ဂျစ်ထရီဆိုတာ ဥပဒေလောကမှာ "Evil Lawyer"လို့ နာမည်ဆိုးနဲ့ ကျော်ကြားတဲ့သူပါ။ ဥပဒေရဲ့ ဟာကွက်တွေကို အစွမ်းကုန်အသုံးချပြီး အနိုင်ရဖို့ဆိုရင် စည်းမျဉ်းတွေကို ဖောက်ဖျက်ဖို့ ဝန်မလေးတဲ့အပြင် ဘယ်လိုနည်းလမ်းမျိုးကိုမဆို သုံးမဲ့သူပေါ့။ ဂျစ်ထရီက မက် ရဲ့ အမှုကို လိုက်ပေးဖို့ လက်ခံလိုက်ပေမဲ့ စည်းကမ်းချက်တစ်ခုတော့ ရှိပါတယ်။ အဲဒါကတော့ "မက် ဟာ သူမအတွက် အလုပ်လုပ်ပေးရမယ်" ဆိုတာပါပဲ။ တရားမျှတမှုကို ယုံကြည်တဲ့ ရှေ့နေလေးနဲ့ အနိုင်ရဖို့ ဘာမဆိုလုပ်မယ့် ရှေ့နေတို့ ပူးပေါင်းပြီး အာဏာရှင်ရဲမှူးကြီးကို ဘယ်လိုတွေ ဉာဏ်ဆင်ပြီး ထိပ်တိုက်ရင်ဆိုင်ကြမလဲ... မက် တစ်ယောက်ရော သူ့ကိုယ်သူ အပြစ်ကင်းကြောင်း သက်သေပြနိုင်ပါ့မလား… အပိုင်း ၈ ပိုင်းတည်းနဲ့ ဇာတ်အိမ်ခိုင်ခိုင်မာမာ ကျစ်ကျစ်လစ်လစ် ဆွဲခေါ်သွားမယ့်အပြင် သွေးထွက်သံယိုတွေပါနေတဲ့အတွက် 18+ Restricted နဲ့ ပွဲထွက်လာပြီး ဥပဒေရဲ့ အမှောင်ခြမ်းတွေကို ရှယ်ကြမ်းပြမယ့် Crime Thriller စီးရီးကောင်းတစ်ခုဖြစ်လို့ အခုပဲ ပိတ်ရက်မှာ အပြတ်ဆွဲဖို့ ဒေါင်းကြည့်လိုက်ကြပါတော့ရှင်။