The Prisoner of Second Avenue

"မဲလ် အက်ဒီဆင်" ဟာ ဒုက္ခမျိုးစုံကြားမှာ သည်းခံရင်း ရှင်သန်နေတဲ့ သာမန်ကုမ္ပဏီဝန်ထမ်းတစ်ဦး ဖြစ်ပါတယ်။ ပူပြင်းလွန်းတဲ့ ရာသီဥတု၊ လျှပ်စစ်မီးခဏခဏပြတ်တောက်မှု၊ အမှိုက်နံ့တွေနဲ့ ဆူညံလှတဲ့ ပတ်ဝန်းကျင်တွေကြောင့် သူဟာ ညတိုင်း အိပ်မပျော်နိုင်ဘဲ စိတ်အနှောင့်အယှက်ဖြစ်ကာ စိတ်ဖိစီးမှုတွေ အကြီးအကျယ် ခံစားနေရသူပါ။ တစ်နေ့မှာတော့ စီးပွားရေးအကျပ်အတည်းဖြစ်နေတဲ့ ကုမ္ပဏီကနေ အနှစ် ၂၀ ကျော် သစ္စာရှိရှိ လုပ်သက်ရှိခဲ့တဲ့ မဲလ်ကို အလုပ်ထုတ်ပစ်လိုက်တဲ့အခါမှာတော့ သူရဲ့ စိတ်အခြေအနေဟာ လုံးဝထိန်းချုပ်လိုမရတော့ဘဲ စိတ်ကမောက်ကမ ဖြစ်ရတဲ့အထိ ဆိုးရွားသွားပါတော့တယ်။ ဒီလို အဆိုးဆုံးအချိန်တွေမှာ မဲလ်ရဲ့ ဘေးနားကနေ စိတ်ဓာတ်ခိုင်မာစွာနဲ့ အားပေးကူညီပေးမယ့် ဇနီးဖြစ်သူ "အက်ဒ်နာ" တစ်ယောက် ရှိနေခဲ့ပါတယ်။ တဖြည်းဖြည်းနဲ့ မြိုပြရဲ့ ဖိစီးမှုဒဏ်တွေကြောင့် ရူးသွပ်လုနီးပါးဖြစ်လာတဲ့ မဲလ်တစ်ယောက် ဒီအခြေအနေတွေကနေ ဘယ်လိုရုန်းထွက်မလဲ၊ ဇနီးဖြစ်သူ အက်ဒ်နာကရော သူ့ယောက်ျားကို စိတ်ဓာတ်ပြန်လည်ခိုင်မာလာအောင် ဘယ်လိုမျိုး ကူညီဖေးမပေးသွားမလဲဆိုတာကိုအတူကြည့်လိုက်ရအောင်ပါ.....