One Week Friends (2017)

One Week Friends (2017) ************************* ဒီတစ်ခါမှာတော့ rating ကောင်းကောင်းရထားပြီး Chinese remake ပြန်ရိုက်ကြတဲ့အထိ အောင်မြင်ခဲ့တဲ့ ဂျပန် ဆယ်ကျော်သက် အချစ်ဇာတ်လမ်းကောင်းလေးကို တင်ဆက်ပေးလိုက်ပါတယ်။ ဇာတ်လမ်းအကျဉ်း ***************** ဇာတ်လမ်းလေးကတော့ အထက်တန်းကျောင်းသားလေး Hase Yuki က တစ်ကျောင်းလုံးမှာ ဘယ်သူနဲ့မှ စကားမပြောဘဲ အမြဲတမ်း တစ်ယောက်တည်း နေတတ်တဲ့ မိန်းကလေး Fujimiya Kaori ကို စိတ်ဝင်စားပြီး သဘောကျမိရာကနေ စတင်ပါတယ်။ ခါအိုရိဟာ လှပပြီး အေးချမ်းတဲ့ပုံစံ ရှိပေမဲ့ သူ့ရဲ့ ပတ်ဝန်းကျင်မှာတော့ ဘယ်သူ့ကိုမှ အနားမကပ်ခံတဲ့ "ရေခဲမင်းသမီးလေး" လို ဖြစ်နေခဲ့တာပါ။ ယူကီက စိတ်ရင်းအမှန်နဲ့ သူငယ်ချင်း ဖြစ်ခွင့်တောင်းခဲ့ပေမဲ့ ခါအိုရိကတော့ သူ့ကို အမြဲတမ်း တောင်းပန်ပြီး ငြင်းပယ်ခဲ့ပါတယ်။ တစ်နေ့မှာတော့ ခါအိုရိက သူ့ရဲ့ လျှို့ဝှက်ချက်ကို ယူကီကို ဖွင့်ဟပြောပြခဲ့ရပါတော့တယ်။ အဲဒါကတော့ သူ့မှာ အတိတ်က ရရှိခဲ့တဲ့ စိတ်ဒဏ်ရာကြောင့် ဖြစ်ပေါ်လာတဲ့ "Dissociative Amnesia" (စိတ်ဒဏ်ရာကြောင့် မှတ်ဉာဏ်ပျောက်ဆုံးခြင်း) ဆိုတဲ့ ထူးဆန်းတဲ့ ရောဂါဝေဒနာတစ်ခု ရှိနေလို့ပဲ ဖြစ်ပါတယ်။ သူ့ရဲ့ မှတ်ဉာဏ်တွေဟာ အပတ်တိုင်းရဲ့ တနင်္လာနေ့ မနက်ခင်း ရောက်တာနဲ့ ပုံမှန်အတိုင်း ပြန်လည် Reset ဖြစ်သွားပြီး လွန်ခဲ့တဲ့ တစ်ပတ်အတွင်းက သူငယ်ချင်းတွေနဲ့ ပတ်သက်တဲ့ အမှတ်တရအားလုံးကို လုံးဝ မေ့လျော့သွားတတ်တာ ဖြစ်ပါတယ်။ ဒါကြောင့်လည်း လူတိုင်းနဲ့ အဝေးမှာပဲ တတ်နိုင်သမျှ နေခဲ့တာပါ။ ဒီအမှန်တရားကို သိလိုက်ရတဲ့ ယူကီက ခါအိုရိကို "ဒိုင်ယာရီ (နေ့စဉ်မှတ်တမ်း)" တစ်အုပ် ပေးခဲ့ပြီး တစ်ပတ်အတွင်း သူတို့နှစ်ယောက်တူတူ ဖြတ်သန်းခဲ့တဲ့ ပျော်စရာ အမှတ်တရတွေကို အသေးစိတ် ချရေးခိုင်းခဲ့ပါတယ်။ တနင်္လာနေ့ ရောက်လို့ ခါအိုရိက သူ့ကို မေ့သွားတဲ့အခါတိုင်း အဲဒီဒိုင်ယာရီကို ဖတ်…