Franz (2025)

Franz (2025) IMDb Rating (6.2) / Rotten Tomatoes (74%) ဒီဇာတ်ကားကတော့ နာမည်ကျော် စာရေးဆရာကြီး Franz Kafka ရဲ့ ဘဝအကြောင်းကို ရိုက်ကူးထားတဲ့ Biopic ဇာတ်ကား ဖြစ်ပါတယ်။ ဒါပေမဲ့ သာမန်အတ္ထုပ္ပတ္တိ ရုပ်ရှင်တွေလို ပျင်းစရာကောင်းတဲ့ ပုံစံမျိုးမဟုတ်ဘဲ၊ ဒါရိုက်တာ Agnieszka Holland က တော်တော်လေး ဆန်းသစ်ပြီး တင်ဆက်ထားတဲ့ Art House ဆန်ဆန် ဇာတ်ကားတစ်ကားပါ။ ဇာတ်လမ်းအကျဉ်း ဇာတ်လမ်းကတော့ Franz Kafka (Idan Weiss) ရဲ့ မွေးဖွားချိန်ကနေ ၁၉၂၄ ခုနှစ် သူကွယ်လွန်ချိန်အထိ ဘဝဖြတ်သန်းမှုကို အခြေခံထားပါတယ်။ သူ့ရဲ့ နာမည်ကြီး ဝတ္ထုတွေဖြစ်တဲ့ "The Metamorphosis" (ပိုးဟပ်ကြီးဖြစ်သွားတဲ့ ဇာတ်လမ်း) တို့၊ "The Trial" တို့ကို ရေးသားခဲ့ပုံတွေ၊ သူ့အပေါ် အရမ်းလွှမ်းမိုးမှုရှိပြီး ကြောက်စရာကောင်းတဲ့ ဖခင်ဖြစ်သူနဲ့ ဆက်ဆံရေး၊ ပြီးတော့ သူ့ရဲ့ ရှုပ်ထွေးတဲ့ အချစ်ရေးတွေကို ရိုက်ပြထားပါတယ်။ ဒါ့အပြင် သူသေရင် သူ့စာတွေအကုန် မီးရှို့ပစ်ဖို့ သူငယ်ချင်း Max Brod ကို မှာခဲ့ပေမဲ့ Max Brod က မီးမရှို့ဘဲ ထုတ်ဝေလိုက်လို့ ကမ္ဘာကျော်သွားရပုံတွေကိုပါ ထည့်သွင်းရိုက်ကူးထားပါတယ်။ ရိုးရိုးကြီး ဇာတ်လမ်းပြန်ပြောနေတာမျိုး မဟုတ်ဘဲ၊ ဇာတ်ကောင်တွေက ကင်မရာကို ကြည့်ပြီး စကားပြောတာ (Breaking the 4th wall) မျိုးတွေ၊ အတိတ်နဲ့ ပစ္စုပ္ပန်ကို ရောမွှေထားတာမျိုးတွေ လုပ်ထားတော့ တော်တော်လေး ဆန်းပါတယ်။ ရုပ်ရှင်ထဲမှာ ခေတ်ဟောင်း ပြည်သူတွေအပြင်၊ လက်ရှိခေတ် Prague မြို့က Kafka ပြတိုက်ကို လာလည်တဲ့ ခေတ်သစ် ကမ္ဘာလှည့်ခရီးသည်တွေရဲ့ ပုံစံတွေကိုပါ ဖြတ်ညှပ်ကပ် ထည့်ပြထားတာက စိတ်ဝင်စားစရာပါ။ Kafka မလိုချင်တဲ့ "ကျော်ကြားမှု" ဆိုတာကြီးကို သရော်ထားတဲ့သဘောပေါ့။ မင်းသားသစ် Idan Weiss က Kafka ရဲ့ ပုံစံ၊ ရုပ်ရည်နဲ့ စိတ်ဒဏ်ရာရနေတဲ့ ပုံစံတွေကို သရုပ်ဆောင်ထားတာ ပီပြင်လွန်းလို့ ချီးကျ…