Dark Blue World (2001)

Dark Blue World

Genres: Drama · Action · War

သမိုင်းဝင် စစ်ပွဲနောက်ခံ ရုပ်ရှင်တွေကို နှစ်သက်တဲ့ ပရိသတ်ကြီးအတွက် ဒီနေ့တော့ ချက်သမ္မတနိုင်ငံ (Czech Republic) ကနေ ထွက်ရှိခဲ့ပြီး ဒုတိယကမ္ဘာစစ်အတွင်းက လေတပ်သူရဲကောင်းတွေရဲ့ ဘဝကို အကောင်းဆုံး ပုံဖော်ထားတဲ့ "Dark Blue World" (၂၀၀၁) - ချက်ဘာသာဖြင့် Tmavomodrý svět ရုပ်ရှင်ကားကို တင်ဆက်‌ပေးချင်ပါတယ်။ ဒီကားဟာ ၁၉၉၆ ခုနှစ်က Kolya ဇာတ်ကားနဲ့ အော်စကာဆု ရရှိခဲ့တဲ့ ဒါရိုက်တာ Jan Svěrák ကိုယ်တိုင် ရိုက်ကူးထားတာဖြစ်ပြီး မေတ္တာ၊ သံယောဇဉ်နဲ့ စစ်ပွဲရဲ့ အနိဋ္ဌာရုံတွေကို ရင်နင့်ဖွယ် တွေ့မြင်ရမယ့် ဇာတ်ကားကောင်း တစ်ကားဖြစ်ပါတယ်။ ဇာတ်လမ်းဟာ ၁၉၅၀ ခုနှစ် စစ်အေးခေတ်ကာလ (Cold War) က ချက်ကိုဆလိုဗက်ကီးယား (Czechoslovakia) နိုင်ငံရဲ့ အကျဉ်းထောင်တစ်ခုကနေ စတင်ပါတယ်။ ဒုတိယကမ္ဘာစစ်အတွင်းက ဗြိတိန်တော်ဝင်လေတပ် (RAF) မှာ တာဝန်ထမ်းဆောင်ခဲ့တဲ့ လေယာဉ်မှူးဟောင်း 'ဖရန်တာ' (František Sláma - သရုပ်ဆောင် Ondřej Vetchý) ဟာ အနောက်အုပ်စုအတွက် တိုက်ပွဲဝင်ခဲ့တယ်ဆိုတဲ့ အကြောင်းပြချက်နဲ့ ကွန်မြူနစ်အစိုးရရဲ့ ဖမ်းဆီးအကျဉ်းချခြင်းကို ခံနေရတာပါ။ အဲဒီနောက်မှာတော့ ဇာတ်လမ်းက ၁၉၃၉ ခုနှစ် အတိတ်ကာလကို ပြန်သွားပါတယ်။ နာဇီဂျာမနီတွေ သူတို့နိုင်ငံကို ကျူးကျော်ဝင်ရောက်လာတဲ့အခါ၊ ဖရန်တာ နဲ့ သူ့ရဲ့ တပည့်ဖြစ်သူ လူငယ်လေယာဉ်မှူးလေး 'ကာရယ်' (Karel Vojtíšek - သရုပ်ဆောင် Kryštof Hádek) တို့ဟာ ဂျာမန်တွေကို တော်လှန်ဖို့ ဗြိတိန်နိုင်ငံကို ထွက်ပြေးပြီး ဗြိတိန်တော်ဝင်လေတပ် (RAF) မှာ သွားရောက်ပူးပေါင်းခဲ့ကြပါတယ်။ စစ်မြေပြင်မှာ လေယာဉ်တွေနဲ့ အသေအလဲ တိုက်ပွဲဝင်ရင်း သူတို့နှစ်ယောက်ရဲ့ ညီအစ်ကိုလို ခိုင်မာတဲ့ သံယောဇဉ်ကို တည်ဆောက်နိုင်ခဲ့ပေမယ့်၊ အင်္ဂလိပ် အမျိုးသမီးလေး ဆူဆန် (Susan - သရုပ်ဆောင် Tara Fitzgerald) နဲ့ တွေ့ဆုံချိန်မှာတော့ ဆရာတပည့် နှစ်ယောက်လုံးက ဆ…

You May Also Like