Zombiepura (2018)

Corporal Kayu ဟာ အထီးကျန်စစ်စခန်းတစ်ခုမှာ မဖြစ်မနေ စစ်မှုထမ်းကာလအတွင်း ကင်းစောင့်တာဝန် ထမ်းဆောင်နေရတဲ့ ပျင်းရိတဲ့စစ်သားတစ်ယောက် ဖြစ်ပါတယ်။ စစ်ဘက်တာဝန် တွေကို အလေးအနက်ထားသူမဟုတ်တဲ့ Kayu ဟာ အေးအေးဆေးဆေးနဲ့ တာဝန်ချိန်ကုန်ဆုံးဖို့သာ စောင့်မျှော်နေသူပါ။ဒါပေမယ့် စစ်စခန်းထဲမှာ မသိရသေးတဲ့ ဗိုင်းရပ်စ်တစ်မျိုး ပေါ်ပေါက်လာတဲ့အခါ အခြေအနေတွေ အလျင်အမြန်ပြောင်းလဲသွားပါတယ်။ အဲဒီဗိုင်းရပ်စ်ကြောင့် စစ်စခန်းထဲက စစ်သားတွေဟာ ရက်စက်ကြမ်းတမ်းတဲ့ ဖုတ်ကောင်တွေအဖြစ် ပြောင်းလဲသွားကြပြီး Kayu တစ်ယောက်တည်းအတွက်သာမက စခန်းထဲမှာ ကျန်ရှိနေသူတွေအတွက်ပါ အသက်အန္တရာယ်ကြီးမားလာပါတော့တယ်။ အပြင်လောကနဲ့ အဆက်အသွယ်ပြတ်ပြီး ထွက်ပေါက်မရှိသလို ဖြစ်နေတဲ့ စစ်စခန်းထဲမှာ Kayu ဟာ သူ့ရဲ့ အဓိကပြိုင်ဘက်ဖြစ်သူ Sergeant Lee နဲ့အတူ ရှင်သန်နိုင်ဖို့ ပူးပေါင်းရပါတော့တယ်။ Sergeant Lee ကတော့ စည်းကမ်းတင်းကျပ်ပြီး အမိန့်ကို အလေးထားတဲ့ တပ်ကြပ်တစ်ယောက် ဖြစ်တာကြောင့် Kayu နဲ့ သဘောထားချင်း ဆန့်ကျင်နေသူပါ။ တစ်ယောက်က ပျင်းရိပြီး တာဝန်ကို ရှောင်ချင်သူဖြစ်သလို တစ်ယောက်ကတော့ စည်းကမ်းနဲ့ စစ်ရေးတာဝန်ကို အလေးထားသူ ဖြစ်ပါတယ်။ ဒါပေမယ့် ဖုတ်ကောင်တွေနဲ့ ပြည့်နှက်လာတဲ့ စစ်စခန်းထဲမှာတော့ သူတို့နှစ်ယောက်ဟာ ကိုယ့်ရဲ့ မတူညီတဲ့စိတ်နေစိတ်ထားတွေကို ဘေးဖယ်ထားပြီး အသက်ရှင်ကျန်ရစ်ဖို့ အတူတကွ လုပ်ဆောင်ရမှာ ဖြစ်ပါတယ်။ သူတို့ရဲ့ စစ်ရေးလေ့ကျင့်မှု၊ ရဲရင့်မှုနဲ့ ပူးပေါင်းလုပ်ဆောင်နိုင်စွမ်းတွေကို ဖုတ်ကောင်အန္တရာယ်ကြားမှာ အမှန်တကယ် စမ်းသပ်ခံရပါတော့တယ်။ Kayu ဟာ ပေါ့ပေါ့ဆဆနေထိုင်တတ်တဲ့ စစ်သားတစ်ယောက်ကနေ အန္တရာယ်ကြားမှာ တာဝန်ယူတတ်တဲ့သူတစ်ယောက် ဖြစ်လာနိုင်မလား၊ Kayu နဲ့ Sergeant Lee တို့နှစ်ယောက်ဟာ စစ်စခန်းထဲက ဖုတ်ကောင်တွေရဲ့ ဝိုင်းရံမှုကနေ လွတ်မြောက်နိုင်မလားဆိုတာကတော့...…