The Land of Sometimes

The Land of Sometimes (2026) ++++++++++++++ ဒီကားဟာ ၂၀၂၆ ခုနှစ် မတ်လပိုင်းမှာ ထွက်ရှိထားတဲ့ ဗြိတိန်-အမေရိကန် ပူးပေါင်းထုတ်လုပ်တဲ့ ကလေးသူငယ်နဲ့ မိသားစုကြည့် ကွန်ပြူတာအန်နီမေးရှင်း (Animated Musical Fantasy) ရုပ်ရှင်ကားသစ်လေး ဖြစ်ပါတယ်။ Toy Story နဲ့ How to Train Your Dragon တို့လို နာမည်ကြီး အန်နီမေးရှင်းကားတွေကို ဖန်တီးခဲ့တဲ့ ထုတ်လုပ်သူတွေကပဲ ဖန်တီးထားတာဖြစ်ပြီး၊ သီချင်းတွေကိုလည်း The Lion King တို့ Aladdin တို့ရဲ့ ဂန္ထဝင်တေးရေးဆရာကြီး Sir Tim Rice က ရေးစပ်ပေးထားတာပါ။ ဇာတ်လမ်းရဲ့ အဓိကဇာတ်ကောင်တွေကတော့ အယ်လ်ဖီ (Alfie) နဲ့ အဲလိစ့် (Elise) ဆိုတဲ့ အမြွှာမောင်နှမနှစ်ယောက်ပါ။ ဒီနှစ် ခရစ္စမတ်ကတော့ သူတို့အတွက် တခြားနှစ်တွေနဲ့မတူဘဲ စိတ်ညစ်စရာ ဖြစ်နေပါတယ်။ ဘာဖြစ်လို့လဲဆိုတော့ သူတို့အဖေက စစ်မြေပြင်ကို ရောက်နေပြီး အိမ်ပြန်မလာနိုင်လို့ပါ။ အဖေမရှိတဲ့အပြင် အိမ်တွင်းရေးအခြေအနေ ကျပ်တည်းမှုတွေကြောင့် မောင်နှမနှစ်ယောက်ကြားမှာလည်း အဆင်မပြေမှုတွေဖြစ်ပြီး စိမ်းကားနေကြပါတယ်။ အဲဒီအချိန်မှာပဲ သူတို့အမေက အဖေချန်ထားခဲ့တဲ့ ခရစ္စမတ်လက်ဆောင် "ဆုတောင်းနာရီ" လေးကို ပေးလိုက်ပါတော့တယ်။ ခရစ္စမတ်အကြိုညမှာ မောင်နှမနှစ်ယောက်ဟာ အဲဒီနာရီကို သုံးပြီး မသိစိတ်ကနေ ဆုတောင်းလိုက်မိတဲ့အခါ ထူးဆန်းပြီး လျှို့ဝှက်ဆန်းကြယ်တဲ့ "ဆုတောင်းစုဆောင်းသူ" (The Wish Collector) ကြီး ရောက်လာပါတယ်။ သူက အမြွှာနှစ်ယောက်ကို The Land of Sometimes လို့ခေါ်တဲ့ ထူးဆန်းတဲ့ မှော်ကမ္ဘာကြီးထဲကို ခေါ်သွားပါတော့တယ်။ အဲဒီကမ္ဘာက ဘယ်လောက်ထူးဆန်းလဲဆိုရင် တစ်ရက်တည်း (၂၄ နာရီအတွင်း) မှာပဲ နွေ၊ မိုး၊ ဆောင်း၊ နွေဦး ဆိုတဲ့ ရာသီဥတုလေးခုလုံးကို ဖြတ်သန်းသွားတာမျိုးပါ။ အဲဒီမှော်ကမ္ဘာမှာ သူတို့ကို ဆုတောင်း ၆ ခု ဆုတောင်းခွင့် ပေးထားပါတယ်။ ဒါပေမဲ့ "ဆုတောင်းတိုင်းမှာ တန်ဖိုးတစ်ခု ပေးဆပ်ရတယ်" ဆိုတဲ့အတိုင်း သူတို့ဆုတောင်းလိုက်တဲ့အရာတွေက ထင်သလိုဖြစ်မလာဘဲ ပြဿနာတွေ တစ်ခုပြီးတစ်ခု တက်လာပါတော့တယ်။ ပိုပြီး အသည်းယားဖို့ကောင်းတာက အဲဒီမှော်ကျွန်းကြီးဟာ သတ်မှတ်ထားတဲ့အချိန်အတွင်းမှာ ဆုတောင်းတွေကို စနစ်တကျမသုံးရင် ပင်လယ်ထဲကို နစ်မြုပ်ပျက်စီးသွားမယ့်အန္တရာယ်နဲ့ ရင်ဆိုင်နေရတာပါ။ အမြွှာနှစ်ယောက်ဟာ ထူးဆန်းတဲ့ မှော်ဝင်သတ္တဝါတွေ၊ ရွှံ့စေးတွေကိုချစ်တဲ့စုန်းမကြီး စတာတွေနဲ့ ကြုံတွေ့ရင်း အခက်အခဲပေါင်းစုံကို ရင်ဆိုင်ကျော်ဖြတ်ရပါတော့တယ်။ ဒီဇာတ်ကားက "ကိုယ်လိုချင်တာတွေကို လျှောက်ဆုတောင်းနေရုံနဲ့ ဘဝက ပြည့်စုံမလာဘူး" ဆိုတဲ့ သင်ခန်းစာကို ပေးထားတာပါ။ အခက်အခဲတွေကြားထဲမှာ မောင်နှမနှစ်ယောက် တစ်ယောက်ကိုတစ်ယောက် ပြန်လည်ဖေးမကူညီရင်းနဲ့ "မိသားစုရဲ့ မေတ္တာတရားနဲ့ စည်းလုံးမှု" ဟာ ဘယ်မှော်ဆုတောင်းထက်မဆို ပိုပြီး စွမ်းအားကြီးတယ်ဆိုတာကို ကလေးရော လူကြီးပါ ရင်ထဲရောက်အောင် ရိုက်ကူးထားပါတယ်။ အသံသရုပ်ဆောင်တွေအနေနဲ့လည်း Star Wars မင်းသားကြီး Ewan McGregor က Wish Collector အဖြစ်လည်းကောင်း၊ Harry Potter ထဲက Bellatrix အဖြစ် လူသိများတဲ့ Helena Bonham Carter က စုန်းမကြီးအဖြစ်လည်းကောင်း ပါဝင်အားဖြည့်ထားလို့ သီချင်းအလန်းစားတွေနဲ့အတူ မိသားစုတူတူ ကြည့်သင့်တဲ့ ဖန်တစီကားကောင်းလေး ဖြစ်ပါတယ်။ File Size… (1.77GB) / (1.07GB) Quality… WEB-DL 1080p HEVC / 720p Format…mkv / mp4 Duration…1h 33m Genre ….Animation, Family , Fantasy Subtitle….Myanmar Subtitle (Hard Sub)