Starbright (2026)

Starbright (2026) IMDb Rating (8.1) *ကောင်းကင်ပေါ်က ကြွေကျလာတဲ့ ကြယ်ကလေးတစ်ပွင့်ကို ကာကွယ်ပေးရမယ့် မိဘမဲ့ကောင်မလေးရဲ့ စွန့်စားခန်း* ဒီကားလေးကိုတော့ နာမည်ကြီး ဒါရိုက်တာ Francesco Lucente က ရိုက်ကူးထားတာပါ။ သူက နာမည်ကြီး ရုပ်ရှင်ထုတ်လုပ်သူနဲ့ ဖန်တီးရှင် တစ်ယောက်ဖြစ်ပြီး ဒီကားကို ၂၀၂၆ ဖေဖော်ဝါရီလ ၂၇ ရက်နေ့မှာ အမေရိကန်မှာ စတင်ရုံတင်ပြသခဲ့ပါတယ်။ ဇာတ်ကားရဲ့ အဓိက Theme ကတော့ မှော်ဆန်တဲ့ စိတ်ကူးယဉ် ကမ္ဘာကြီးထဲမှာ အချစ်၊ စွန့်စားခန်းတွေနဲ့ အက်ရှင်တွေ ပေါင်းစပ်ထားတဲ့ ဇာတ်လမ်းမျိုးပါ။ ကောင်းကင်က ကျလာတဲ့ ကြယ်ကလေးကို အန္တရာယ်ရှိတဲ့ လူဆိုးတွေလက်ကနေ ကာကွယ်ရတဲ့ အကြောင်းကို စိတ်ဝင်စားစရာ တင်ဆက်ထားတာပါ။ အဓိက ဇာတ်ကောင် အက်ရှ်လင်း နေရာမှာ မင်းသမီး Alexandra Dowling က သရုပ်ဆောင်ထားပြီး သူက The Musketeers လို နာမည်ကြီး ဇာတ်လမ်းတွဲတွေနဲ့ လူသိများပါတယ်။ ရာဖယ်ရယ် ဆိုတဲ့ ဇာတ်ကောင်နေရာမှာတော့ The Lord of the Rings ဇာတ်ကားကြီးတွေနဲ့ နာမည်ကြီးတဲ့ ဝါရင့်မင်းသားကြီး John Rhys-Davies က ပါဝင်ထားပါတယ်။ ဂျော့ရှဝါ အဖြစ် Father of the Bride ကားထဲက မင်းသား Diego Boneta နဲ့အတူ Ted Levine၊ Becky Ann Baker တို့လို နာမည်ကြီး သရုပ်ဆောင်တွေလည်း ပါဝင်အားဖြည့်ထားကြပါတယ်။ ဇာတ်လမ်းအကျဉ်း အက်ရှ်လင်း ဆိုတဲ့ မိဘမဲ့ကောင်မလေးတစ်ယောက်ဟာ အဘိုးအဘွားတွေရဲ့ ခြံထဲမှာ အေးအေးချမ်းချမ်း နေထိုင်နေရင်း တစ်နေ့မှာတော့ နေကြတ်တဲ့အချိန် ကောင်းကင်ကနေ ကြွေကျလာတဲ့ ကြယ်ကလေးတစ်ပွင့်ကို မထင်မှတ်ဘဲ တွေ့သွားခဲ့ပါတယ်။ အဲဒီကြယ်ကလေးက သာမန်မဟုတ်ဘဲ အသက်ဝင်နေတဲ့ အလင်းရောင်လေးဖြစ်နေပြီး ရာဖေးလ် လို့ခေါ်တဲ့ ထူးဆန်းတဲ့လူတစ်ယောက်က အက်ရှ်လင်းကို အဲဒီကြယ်ကလေးရဲ့ အစောင့်အရှောက်အဖြစ် တာဝန်ပေးလိုက်ပါတယ်။ အဲဒီနောက်မှာတော့ ကြယ်ကလေးရဲ့ စွမ်းအားကို လိုချင်နေတဲ့ အန္တရာယ…